ఆంధ్రభారతి - తాళ్లపాక అన్నమాచార్య కీర్తనలు - తలఁపు కామాతురత్వము మీఁద నలవడిన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 17-5
సంపుటము: 1-105

తాళ్లపాక అన్నమాచార్య

రాగము: వరాళి

తలఁపు కామాతురత్వము మీఁద నలవడిన నిల నెట్టివారైన నేలాగు గారు	॥తలఁపు॥
ఓలి నిరువురు సతుల నాలింగనము సేయ లోలుఁ డటుగాన నాలుగు చేతులాయ వేలసంఖ్యలు సతుల వేడుకల రమియింపఁ బాలుపడెఁ గాన రూపములు పెక్కాయ	॥తలఁపు॥
పొలయలుక కూటముల భోగి దా నటుగాన మలసి యొక్కొకవేళ మారుమొగమాయ లలితలావణ్యలీలావిగ్రహముగాన కొలఁది వెట్టఁగరాని గోళ్ళు నిడుపాయ	॥తలఁపు॥
చిరభోగసౌఖ్యములఁ జెంద ననుభవి గాన తిరువేంకటాచలాధీశ్వరుండాయ పరగ సంసారసంపదకు బద్ధుఁడు గాన అరుదుగా సకలాంతరాత్మకుండాయ	॥తలఁపు॥