ఆంధ్రభారతి - తాళ్లపాక అన్నమాచార్య కీర్తనలు - గరుడధ్వజం బెక్కె కమలాక్షు పెండ్లికి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 204-3
సంపుటము: 3-21

తాళ్లపాక అన్నమాచార్య

రాగము: రామక్రియ

గరుడధ్వజం బెక్కె కమలాక్షు పెండ్లికి పరుష లదివో వచ్చెఁ బైపై సేవించను	॥పల్లవి॥
పాడిరి సోబాన నదే భారతియు గిరిజయు ఆడిరి రంభాదులై న‌ అచ్చరలెల్ల కూడిరి దేవతలెల్ల గుంపులై శ్రీవేంకటాద్రి వేడుకలు మీరఁగ శ్రీవిభుని పెండ్లికిని	॥గరు॥
కురిసెఁ బువ్వులవాన కుప్పలై యెందు చూచిన మొరసె దేవదుందుభి మోఁతలెల్లను బెరసె సంపదలెల్ల పెంటలై శ్రీవేంకటాద్రి తిరమై మించిన దేవదేవుని పెండ్లికిని	॥గరు॥
వేసిరి కానుకలెల్ల వేవేలు కొప్పెరల పోసిరదే తలఁబ్రాలు పుణ్యసతులు ఆసల శ్రీవేంకటేశుఁ డలమేలుమంగఁ దాను సేసలు వెట్టినయట్టి సింగారపు పెండ్లికి	॥గరు॥