ఆంధ్రభారతి - తాళ్లపాక అన్నమాచార్య కీర్తనలు - అచ్చుత మిమ్ముఁ దలఁచే యంతపని వలెనా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 204-5
సంపుటము: 3-23

తాళ్లపాక అన్నమాచార్య

రాగము: శంకరాభరణం

అచ్చుత మిమ్ముఁ దలఁచే యంతపని వలెనా యిచ్చల మీవారే మాకు నిహపరా లియ్యఁగా	॥పల్లవి॥
మిమ్ము నెఱిఁగిన యట్టి మీ దాసుల నెఱిఁగే సమ్మతివిజ్ఞానమే చాలదా నాకు వుమ్మడి మీ సేవ సేసుకుండేటి వైష్ణవుల సమ్ముఖాన సేవించుటే చాలదా నాకు	॥అచ్చు॥
నిరతి నీకు మొ క్కే నీడింగరీలకు సరవితో మొక్కుటే చాలదా నాకు పరగ నిన్నుబూజించే ప్రపన్నులఁ బూజించే సరిలేని భాగ్యము చాలదా నాకు	॥అచ్చు॥
అంది నీకు భక్తులైన యల మహానుభావుల చందపువారిపై భక్తి చాలదా నాకు కందువ శ్రీవేంకటేశ కడు నీ బంటుబంటుకు సందడిబంట నవుటే చాలదా నాకు	॥అచ్చు॥