ఆంధ్రభారతి - తాళ్లపాక అన్నమాచార్య కీర్తనలు - ఆతఁడే సకలము అని భావింపుచు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 205-1
సంపుటము: 3-25

తాళ్లపాక అన్నమాచార్య

రాగము: శంకరాభరణం

ఆతఁడే సకలము అని భావింపుచు నీతితో నడవక నిలుకడ యేది	॥పల్లవి॥
యెందునుఁ జూచిన యీశ్వరుఁ డుండఁగ విందుల మనసుకు వెలితేది సందడించే హరిచైతన్య మిదివో కందువలిఁక వెదకఁగ నేది	॥అతఁ॥
అంతరాత్ముఁడై హరి పొడచూపఁగ పంతపు కర్మపు భయమేది సంతత మాతఁడే స్వతంత్రుఁ డిదివో కొంతగొంత మరి కోరెడి దేది	॥అతఁ॥
శ్రీవేంకటపతి జీవుని నేలఁగ యీవల సందేహ మిఁక నేది భావం బీతఁడు ప్రపంచ మీతఁడు వేవేలుగ మరి వెదకెడి దేది	॥అతఁ॥