ఆంధ్రభారతి - తాళ్లపాక అన్నమాచార్య కీర్తనలు - అద్దిరా వోయయ్య నేనంతవాఁడనా । వొక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 205-2
సంపుటము: 3-26

తాళ్లపాక అన్నమాచార్య

రాగము: సాళంగనాట

అద్దిరా వోయయ్య నేనంతవాఁడనా । వొక- కొద్ది నీ దాసుల సేవ కోరఁగలఁ గాక	॥పల్లవి॥
హరి నీమాయలకు నే నడ్డము చెప్పేవాఁడనా అరిదైన దదియు రాచాజ్ఞ గనక పరమపదాన కాసపడుటయు ద్రోహము సొరిది నీ భండారము సొమ్ము గనక	॥అద్ది॥
పంచేంద్రియముల నేఁ బారఁదోలేవాఁడనా ముంచి నీవు వెట్టినట్టి ముద్ర కర్తలు అంచల నా విజ్ఞాన మది దలఁచవచ్చునా నించి నీవు పాఁతినట్టి నిధాన మది	॥అద్ది॥
వొట్టి సంసారపుమోపు వోపననేవాఁడనా వెట్టి మమ్ముఁ జేయించేటి వేడుక నీది గట్టిగా శ్రీవేంకటేశ కదిసి నీ శరణంటి ఱట్టుగ నేఁ జెప్పేనా మీఱఁగ నీ రహస్యము	॥అద్ది॥