ఆంధ్రభారతి - తాళ్లపాక అన్నమాచార్య కీర్తనలు - ఇచ్చలోఁ గోరేవల్లా ఇచ్చే ధనము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 205-3
సంపుటము: 3-27

తాళ్లపాక అన్నమాచార్య

రాగము: రామక్రియ

ఇచ్చలోఁ గోరేవల్లా ఇచ్చే ధనము అచ్చుతనామమె పో అధికపు ధనము	॥పల్లవి॥
నారదాదులు వొగడే నాలుకపయి ధనము సారపు వేదములలో చాటే ధనము కూరిమి మునులు దాఁచుకొన్నట్టి ధనము నారాయణ నామమిదే నమ్మినట్టి ధనము	॥ఇచ్చ॥
పరమపదవికి సంబళ మైన ధనము యిరవై భక్తులకెల్లా నింటి ధనము పరగ నంతరంగాన పాఁతినట్టి ధనము హరినామ మిదియ పో అరచేతి ధనము	॥ఇచ్చ॥
పొంచి శివుఁడు కాశిలో బోధించే ధనము ముంచిన ఆచార్యుల మూలధనము పంచి శ్రీవేంకటపతి పాలించే ధనము నించి విష్ణునామ మదే నిత్యమైన ధనము	॥ఇచ్చ॥