ఆంధ్రభారతి - తాళ్లపాక అన్నమాచార్య కీర్తనలు - ఇతనికంటె ఘను లిఁక లేరు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 205-4
సంపుటము: 3-28

తాళ్లపాక అన్నమాచార్య

రాగము: శ్రీరాగం

ఇతనికంటె ఘను లిఁక లేరు యితర దేవతల యిందరిలోన	॥పల్లవి॥
భూపతి యీతఁడె పొదిగి కొలువరో శ్రీపతి యీతఁడే చేకొనరో యేపున బలువుఁడు నీతఁడే చేరరో పైపై వేంకటపతి యైనాఁడు	॥ఇత॥
మరుగురుఁడితఁడే మతి నమ్మఁగదరో పరమాత్ముఁ డితఁడె భావించరో కరివరదుఁ డితఁడె గతియని తలఁచరో పరగ శ్రీవేంకటపతి యైనాఁడు	॥ఇత॥
తల్లియు నితఁడే తండ్రియు నితఁడే వెల్లవిరై యిఁక విడువకురో చల్లగా నితని శరణని బ్రతుకరో అల్ల శ్రీవేంకటహరి యయినాఁడు	॥ఇత॥