ఆంధ్రభారతి - తాళ్లపాక అన్నమాచార్య కీర్తనలు - అన్నియు నీతనిమూల మాతఁడే మాపాలఁ జిక్కె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 206-5
సంపుటము: 3-35

తాళ్లపాక అన్నమాచార్య

రాగము: మాళవిగౌళ

అన్నియు నీతనిమూల మాతఁడే మాపాలఁ జిక్కె కన్నుల మా వేడుకకు కడయేది యిఁకను	॥పల్లవి॥
కామధేనువు గలి(గి?)తే గర్వించు నొక్కరుఁడు భూమి యేలితే నొకఁడు పొదలుచుండు కామించి నిధి గంటె కళలమించు నొకఁడు శ్రీమంతుఁడగు హరి చిక్కె మాకు నిదివో	॥అన్ని॥
పరుసవేదిగలి(గి?)తే పంతములాడు నొకఁడు ధరఁ జింతామణబ్బితే దాఁటు నొకఁడు సురలోక మబ్బితేను చొక్కుచునుండు నొకఁడు పరమాత్ముఁడే మా పాలఁ జిక్కెనిదివో	॥అన్ని॥
అమృతపానము సేసి యానందించు నొకఁడు భ్రమను దేహసిద్ధిఁ బరగొకఁడు తమి శ్రీవేంకటేశుఁడే దాఁచిన ధనమై మాకు అమరి నా మతిఁ జిక్కె నడ్డములే దిదివో	॥అన్ని॥