ఆంధ్రభారతి - తాళ్లపాక అన్నమాచార్య కీర్తనలు - పట్టరో వీదులఁ బరువులు వెట్టి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 206-6
సంపుటము: 3-36

తాళ్లపాక అన్నమాచార్య

రాగము: దేవగాంధారి

పట్టరో వీదులఁ బరువులు వెట్టి పుట్టుగులతో హరి పొలసీ వీఁడే	॥పల్లవి॥
వేవేలు నేరాలు వెదకేటి దేవుఁడు ఆవులఁ గాచీ నలవాఁడే పోవుగ బ్రాహ్మలఁ బుట్టించు దేవుఁడు సోవల యశోదసుతుఁడట వీఁడే	॥పట్ట॥
ఘనయజ్ఞములకుఁ గర్తగు దేవుఁడు కినిసి వెన్న దొంగిలె వీఁడే మునుల చి త్తముల మూలపుదేవుఁడు యెనసీ గొల్లెతల యింటింట వీఁడే	॥పట్ట॥
నుడిగి నారదుఁడు నుతించు దేవుఁడు బడి రోలఁ గట్టువడె వీఁడే వుడినోని వరము లొసఁగెడు దేవుఁడు కడఁగిన శ్రీవేంకటగిరి వీఁడే	॥పట్ట॥