ఆంధ్రభారతి - తాళ్లపాక అన్నమాచార్య కీర్తనలు - వెఱ్ఱివారిఁ దెలుపుట వేవేలు సుకృతము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 207-1
సంపుటము: 3-37

తాళ్లపాక అన్నమాచార్య

రాగము: భైరవి

వెఱ్ఱివారిఁ దెలుపుట వేవేలు సుకృతము ముఱ్ఱుఁబాల మంకే కాని ముందు గాన దైవమా	॥పల్లవి॥
ఇంతక తొల్లిటిజన్మ మెటువంటిదో యెరఁగ పొంతనే ఇటమీఁదటి పుట్టు వెరఁగ అంతరానఁ బెరిగే కాయమే నాకు సుఖమై సంతసాన మురిసేను సంసారమందును	॥వెఱ్ఱి॥
వొడలి లోపలి హేయ మొక‌ఇంతాఁ దలఁచను బడి నెదిటి దేహాల పచ్చి దలఁచ సుడిసి పై పచారాలే చూచి సురతసుఖాన పడఁతులఁ బొందిపొంది పరిణామించేను	॥వెఱ్ఱి॥
పాపమూలమున వచ్చే బలునరకము లెంచ యేపునఁ బుణ్యపుబుదద్ధి ఇంచుకా నెంచ దీపనపు జంతువునుఁ దెచ్చి పావనుఁ జేసితి చేపట్టి నన్ను రక్షించు శ్రీవేంకటేశుఁడా	॥వెఱ్ఱి॥