ఆంధ్రభారతి - తాళ్లపాక అన్నమాచార్య కీర్తనలు - ఎందరైనఁ గలరు నీ కింద్రచంద్రాదిసురలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 207-6
సంపుటము: 3-42

తాళ్లపాక అన్నమాచార్య

రాగము: నాట

ఎందరైనఁ గలరు నీ కింద్రచంద్రాదిసురలు అందులో నే నెవ్వఁడ నీ వాదరించే దెట్టో	॥పల్లవి॥
పెక్కు బ్రహ్మాండములు నీ పెనురోమకూపములఁ గిక్కిరిశున్న వందొక కీటమ నేను చక్కఁగా జీవరాసుల సందడిఁ బడున్నవాఁడ ఇక్కువ నన్నుఁ దలఁచి యెట్టు మన్నించేవో	॥ఎంద॥
కోటులైన వేదములు కొనాడీ నిన్నందులో నా- నోటి విన్నపము లొక్క నువ్వుగింజంతే మాటలు నేరక కొఱవలి వాకిట నుండ బాటగా నీదయ నాపైఁ బారుటెట్టో	॥ఎంద॥
అచ్చపు నీదాసులు అనంతము వారలకు రిచ్చల నేనొక పాద రేణువ నింతే ఇచ్చగించి శ్రీవేంకటేశ నిన్నుఁ దలఁచుక మచ్చికఁ గాచితి నన్ను మఱవనిదెట్టో	॥ఎంద॥