ఆంధ్రభారతి - తాళ్లపాక అన్నమాచార్య కీర్తనలు - వేవేలు బంధములు విడువ ముడువఁబట్టె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 208-4
సంపుటము: 3-46

తాళ్లపాక అన్నమాచార్య

రాగము: శంకరాభరణం

వేవేలు బంధములు విడువ ముడువఁబట్టె దైవమా నిన్నెట్టు తగిలేమయ్యా	॥పల్లవి॥
పారీ ముందటి భవపాశములు తీరీఁ దొల్లిటితిత్తిలో పుణ్యము వూరీఁ గోరిక లొకటొకటే యేరీతి సుజ్ఞాన మెరిఁగేనయ్యా	॥వేవే॥
పట్టీ నాకొంగు పంచేంద్రియములు తొట్టీ బాపము తోడుతనే పెట్టీ భ్రమలఁ బెరిగి నీమాయలు అట్టే మోక్ష మెన్నఁ డందేమయ్యా	॥వేవే॥
విందై యిహము వెనకకుఁ దీసీ అందీ వై రాగ్య మరచేతికి కందువ శ్రీవేంకటపతి యీరెండు బొందించితి వేది భోగింతునయ్యా	॥వేవే॥