ఆంధ్రభారతి - తాళ్లపాక అన్నమాచార్య కీర్తనలు - ఎట్టు గెలుతుఁ బంచేంద్రియముల నేఁ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 208-5
సంపుటము: 3-47

తాళ్లపాక అన్నమాచార్య

రాగము: కన్నడగౌళ

ఎట్టు గెలుతుఁ బంచేంద్రియముల నేఁ బట్టరాని ఘనబలవంతములు	॥పల్లవి॥
కడు నిసుమంతలు కన్నుల చూపులు ముడుఁగక మిన్నులు ముట్టెడిని విడువక సూక్ష్మపువీనులు యివిగో బడిబడి నాదబ్రహ్మము మోచె	॥ఎట్టు॥
అదె తిలపుష్పంబంత నాసికము కదిసి గాలి ముడెగట్టెడని పొదిగె నల్లెఁడే పొంచుక నాలికె మెదలుచు సర్వము మింగెడిని	॥ఎట్టు॥
బచ్చెన దేహపు పైపొర సుఖమే యిచ్చఁ బ్రపంచం బీనెడిని చెచ్చెర మనసిది శ్రీవేంకటేశ్వరుఁ దచ్చి తలఁచఁగా దరి చేరెడిని	॥ఎట్టు॥