ఆంధ్రభారతి - తాళ్లపాక అన్నమాచార్య కీర్తనలు - నేనొక్కఁడ లేకుండితే నీ కృపకుఁ బాత్రమేది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 208-6
సంపుటము: 3-48

తాళ్లపాక అన్నమాచార్య

రాగము: బౌళిరామక్రియ

నేనొక్కఁడ లేకుండితే నీ కృపకుఁ బాత్రమేది పూని నా వల్లనే కీర్తిఁ బొందేవు నీవు	॥పల్లవి॥
అతిమూఢులలోన నగ్రేసరుఁడ నేను ప్రతిలేని ఘనగర్వపర్వతమను తతిఁ బంచేంద్రియముల ధనవంతుఁడను నేను వెతకి నావంటివాని విడువఁగఁ జెల్లునా	॥నేనొ॥
మహిలో సంసారపుసామ్రాజ్యమేలేవాఁడ నేను యిహమునఁ గర్మ వహికెక్కితి నేను బహుయోనికూపసంపదఁ దేలేవాఁడ నేను వహించుక నావంటివానిఁ దేనోపేవా	॥నేనొ॥
భావించి నావంటి నీచుఁ బట్టి కాచినప్పుడుగా యేవంక నీకీర్తి గడునెంతురు భువి నావల్ల నీకుఁ బుణ్యము నీవల్ల నే బ్రదుకుదు శ్రీవేంకటేశుఁడ యింత చేరెఁ జుమ్మీ మేలు	॥నేనొ॥