ఆంధ్రభారతి - తాళ్లపాక అన్నమాచార్య కీర్తనలు - నీవెంత నేనెంత నీకు నాకు నెంతదవ్వు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 209-3
సంపుటము: 3-51

తాళ్లపాక అన్నమాచార్య

రాగము: ముఖారి

నీవెంత నేనెంత నీకు నాకు నెంతదవ్వు దైవమా సిగ్గువడక తగిలే నేఁ గాకా	॥పల్లవి॥
చెంది నీకు బ్రహ్మాదులు సేవలు సేయఁగాను యిందు మా సేవలు నీకు నేడకువచ్చు పొంది వసిష్ఠాదు లట్టే పూజలు సేయఁగాను సందడి మాపూజలు సరకా నీకు	॥నీవెం॥
సనకాదియోగులు సారె నిన్నుఁ దలఁచఁగా యెనసి మాతలఁపు నీ కేడకెక్కును నునుపుగా శేషాదులు నుతులు నిన్నుఁ జేయఁగా పనివడి మా నుతులు బాఁతేయనా నీకు	॥నీవెం॥
కిట్టి నారదాదులు నీకింకరులై వుండఁగాను యిట్టె నీదాసుఁడ ననుటెంత కెంత వొట్టి శ్రీవేంకటేశ మాకొకవుపాయము గద్దు పట్టి నీదాసుల బంటుబంట నయ్యేనిఁకను	॥నీవెం॥