ఆంధ్రభారతి - తాళ్లపాక అన్నమాచార్య కీర్తనలు - అయ్యో వికల్పవాదులంతటా సిగ్గువడరు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 209-4
సంపుటము: 3-52

తాళ్లపాక అన్నమాచార్య

రాగము: లలిత

అయ్యో వికల్పవాదులంతటా సిగ్గువడరు యియ్యెడ నెట్టుగలిగె నీ యసురమతము	॥పల్లవి॥
నీ ముద్రలూ నొల్లరు నీదాసోహము నొల్లరు కామించి నీ మీఁది భక్తి కడు నొల్లరు నామమంత్రము నొల్ల రనామయుండ వనెందురు తాము వైష్ణవుల మంటాఁ దర్కింతురు	॥అయ్యో॥
పైతృకవేళ నీపస్రాదమూ నొల్లరు ఘాతల నూర్ధ్వపుండ్రము గాదందురు జాతర దైవాల నిన్ను సరిగాఁ బూజింతురు ఆతల వైష్ణవులు దామనుకొందురు	॥అయ్యో॥
శ్రీవైష్ణవులఁ గంటేఁ జేతులెత్తి మొక్కరు భావింతురు పగవారిఁబలెఁ గన్నట్టు ఆవల వైకుంఠమూ ననిత్యమందురు కావించి వైష్ణవులము కామా నేమందురు	॥అయ్యో॥
వరుస రావణాదుల వలె నెజ్ఞాలు సేతురు సరుస నట్టే వేదమూఁ జదువుదురు నిరతి శ్రీవేంకటేశ నీ మహిమ లెరఁగక అరిది వైష్ణవులమే యని యాడుకొందురు	॥అయ్యో॥