ఆంధ్రభారతి - తాళ్లపాక అన్నమాచార్య కీర్తనలు - నీయంతవారు గారు నిండుసామర్థ్యము లేదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 209-5
సంపుటము: 3-53

తాళ్లపాక అన్నమాచార్య

రాగము: గుండక్రియ

నీయంతవారు గారు నిండుసామర్థ్యము లేదు యీ యహంకారపు ముక్తి యీడేరీనా తమకు	॥పల్లవి॥
నీ సేవలే సేసి నీ కృప రక్షించఁగాను ఆసలఁ బొందే ముక్తి అది చాలక నీ సరివారలై నీవే తామనుకొని యీసులఁ బొందే ముక్తి యీడేరీనా తమకు	॥నీయం॥
పొంచిన రాక్షసులెల్ల పూర్వదేవతలమంటా యెంచుక పట్టిన మదమీ గర్వము అంచెలఁ గర్మమే సేసే రాయాదేవతలఁ గూర్చి ఇంచుకంతలోనే ముక్తి యీడేరీనా తమకు	॥నీయం॥
హరిలాంఛనపు భక్తి కందుకు నొడఁబడరు సరిరోగికిఁ బథ్యము చవిగానట్టు గరిమ శ్రీవేంకటేశుఁ గని మననివారికి యెరవులనే ముక్తి యీడేరీనా తమకు	॥నీయం॥