ఆంధ్రభారతి - తాళ్లపాక అన్నమాచార్య కీర్తనలు - వట్టిమోపు మోయనేల వడిఁ ములుగఁగనేల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 209-6
సంపుటము: 3-54

తాళ్లపాక అన్నమాచార్య

రాగము: బౌళి

వట్టిమోపు మోయనేల వడిఁ ములుగఁగనేల పట్టిన నేమముతోడ బ్రదుకఁగ వలదా	॥పల్లవి॥
తల్లిదండ్రి గలవారు తమ లేములెఱఁగక చెల్లపిళ్లలై యాటలఁ జెందినయట్టు వుల్లములో హరి నమ్మి వుండిన ప్రపన్నులెల్ల పల్లదాన నిర్భరులై బ్రతుకఁగ వలదా	॥వట్టి॥
మగఁడు గల సతులు మంచి ముత్తైదువలై యెగువ నితరమార్గా లెరఁగనట్టు నగుతా లక్ష్మీపతి నమ్మిన ప్రపన్నులెల్ల పగటుఁ గర్మము మాని బ్రదుకఁగ వలదా	॥వట్టి॥
యేలికె నమ్మినబం టేరికిఁ బ్రియము చెప్ప- కోలిఁ బతివాకిలి గాచుండినయట్టు తాలిమి శ్రీవేంకటేశు దాసులైన ప్రపన్నులు పాలించినాతని నమ్మి బ్రతుకఁగ వలదా	॥వట్టి॥