ఆంధ్రభారతి - తాళ్లపాక అన్నమాచార్య కీర్తనలు - నీ యాధీనములింతే నిఖిలప్రపంచమును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 210-1
సంపుటము: 3-55

తాళ్లపాక అన్నమాచార్య

రాగము: భూపాళం

నీ యాధీనములింతే నిఖిలప్రపంచమును మాయాకృతము నీవు మానుమంటే మానదా	॥పల్లవి॥
నీకు నరుహంబైన నిండిన యీ మనసు కాకువిషయాల పాలుగా నరుహమా చేకొని నీవు పెరరేఁచిన యీ చైతన్యము పైకొని అకర్మముల పాలు సేయఁదగునా	॥నీయా॥
అంచల నీ వంతర్యామివైన యీ దేహము పంచేంద్రియముల కొప్పన సేతురా యెంచఁగ నీకుక్షిలోన నెత్తిన యీ జన్మము కొంచెపు భోగములకు గురి సేయవలెనా	॥నీయా॥
శ్రీవేంకటేశ నీకుఁ జిక్కిన యీ దాస్యము యీవల సంసారమున కియ్యవలెనా దేవుఁడవు నీవేయని తెలిపితివిదే మాకు జీవులము మమ్మునిఁక చిమ్మిరేఁచ నేఁటికి	॥నీయా॥