ఆంధ్రభారతి - తాళ్లపాక అన్నమాచార్య కీర్తనలు - పుడమి నిందరి బట్టె భూతము కడుఁ- - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 18-3
సంపుటము: 1-109

తాళ్లపాక అన్నమాచార్య

రాగము: వరాళి

^[1]పుడమి నిందరి బట్టె భూతము కడుఁ-^[2] బొడవైన నల్లని భూతము	॥పుడమి॥
కినిసి వోడ మింగెడి భూతము పునుక వీఁపు పెద్ద భూతము కనలి కలియు చీఁకటి భూతము పొనుగు సోమపు మోము భూతము	॥పుడమి॥
చేటకాళ్ళ మించిన భూతము పోటుదారల పెద్ద భూతము గాఁటపు జడల బింకపు భూతము జూటరి నల్లముసుఁగు భూతము	॥పుడమి॥
కెలసి బిత్తలే తిరిగేటి భూతము పొలుపుదాంట్ల పెద్ద భూతము బలుపు వేంకటగిరిపయి భూతము పులుగుమీఁది మహాభూతము	॥పుడమి॥

^[1] ఇందు దశావతారసమన్వయము కలదు.

^[2] నిడురేకు 50- వాఁడె.