ఆంధ్రభారతి - తాళ్లపాక అన్నమాచార్య కీర్తనలు - ఏ నోరువెట్టుక నిన్ను నేమని కావుమందును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 210-6
సంపుటము: 3-60

తాళ్లపాక అన్నమాచార్య

రాగము: ఆహిరి

ఏ నోరువెట్టుక నిన్ను నేమని కావుమందును నే నిన్నుఁ దలఁచినది నిమిషమూ లేదు	॥పల్లవి॥
పాయమెల్ల సఁసారముపాలే పడితిఁ గాని చేయార నీసేవ నేఁ జేసుట లేదు కాయమెల్ల కాంతలకే కడుశేషమాయఁగాని నీ యవసరములందు నే నొదుగలేదు	॥ఏనో॥
చిత్తము ఆసల పాలే సేసి బదికితిఁ గాని హత్తి నిన్ను ధ్యానము సేయఁగలేదు సత్తెపు నా నాలుకెల్ల చవుల కమ్మితిఁ గాని మత్తిలి నీ కీర్తనము మరపుటా లేదు	॥ఏనో॥
పుట్టుగెల్లా నజ్ఞానముపొంతనే వుంటిఁ గాని వొట్టి నీవిజ్ఞానము నొల్లనైతిని యెట్టు నన్ను మన్నించితి విందుకే పో వెరగయ్యీ నెట్టన శ్రీవేంకటేశ నిన్నడుగా లేదు	॥ఏనో॥