ఆంధ్రభారతి - తాళ్లపాక అన్నమాచార్య కీర్తనలు - తన సొమ్మీడేరించక తా మానీనా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 211-1
సంపుటము: 3-61

తాళ్లపాక అన్నమాచార్య

రాగము: దేసాళం

తన సొమ్మీడేరించక తా మానీనా పెనఁగుచు నే మూరకే బిగిసేముఁ గాక	॥పల్లవి॥
భూమితోఁ బ్రపంచ మెల్లఁ బుట్టించిన దేవుఁడు ఆ మీఁది పారుపత్యాన కందుకోపఁడా నామమాత్ర జీవులము నడుమంతరాల వచ్చి నేము గర్తల మనుచు నిక్కేముఁ గాక	॥తన॥
యెనలేక యెదిరికి ఇనుమడిచేవారికి తన తగర మడువఁ దడవయ్యీనా గునిసి సంసారపు కొండనే మోచేనంటా తినికేమిదియు వట్టి దీమసముఁ గాక	॥తన॥
చిత్తములో నున్నట్టి శ్రీవేంకటేశ్వరుఁడు మత్తిల్లి ననుఁ గావక మానఁబొయ్యీనా కొత్తగా నీతని నేఁడు కొలిచేమనుచు నేము తత్తరపు స్వతంత్రానఁ దగిలేముఁ గాక	॥తన॥