ఆంధ్రభారతి - తాళ్లపాక అన్నమాచార్య కీర్తనలు - చింతలు రేఁచకు మమ్ము చిత్తమా నీవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 211-3
సంపుటము: 3-63

తాళ్లపాక అన్నమాచార్య

రాగము: గౌళ

చింతలు రేఁచకు మమ్ము చిత్తమా నీవు పంతముతో మముఁ గూడి బతుకుమీ నీవు	॥పల్లవి॥
తల్లి శ్రీమహాలక్ష్మి తండ్రి వాసుదేవుఁడు ఇల్లు మాకు బ్రహ్మాండమింతా నిదె బల్లిదపు హరిభక్తి పాఁడీఁబంటా నాకు వొల్లము కర్మఫలము లొకటి నేము	॥చింత॥
జ్ఞానమే మాకు ధనము సర్వవేదములు సొమ్ము వూనిన వై రాగ్యమే వుంబళి మాకు ఆనిన గురుసేవలు ఆఁడుబిడ్డలు నాకు మేనితోనే తగులాయ మేలు మాకుఁ జేరెను	॥చింత॥
యేలికె శ్రీవేంకటేశుఁడింటి దేవపూజ మాకు పాలు గల బంధువులు ప్రపన్నులు కీలు మాకు నీతని సంకీర్తన మోక్షమునకు యేలా ఇంకా మాకు నేమిటితో గొడవ	॥చింత॥