ఆంధ్రభారతి - తాళ్లపాక అన్నమాచార్య కీర్తనలు - ఎక్కడ నున్నారో సురలెవ్వరు భూమికి దిక్కో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 211-4
సంపుటము: 3-64

తాళ్లపాక అన్నమాచార్య

రాగము: ఆహిరి

ఎక్కడ నున్నారో సురలెవ్వరు భూమికి దిక్కో తొక్కులఁ బడె జీవుఁడు దుండగీల చేతను	॥పల్లవి॥
ఆసలనియెడి వెఱ్ఱియంగడి వెంటాఁ దిప్పె దోసిలొగ్గించె దైన్యము దొరలెదుట యీసుల నాఁకటి(లి?) విషమేమైనాఁ దినిపించె గాసిఁబడె జీవుఁడిదె కన్నవారి చేతను	॥ఎక్క॥
కడుఁ గోపపు భూతము కాయమెల్లా మఱపించె వడి నజ్ఞానపు టేరు వరతఁగొట్టె నడుమఁ బాపపుచొక్కు నరకపుగుంటఁ దోసె గడుసాయ జీవుఁడిదె కన్నవారి చేతను	॥ఎక్క॥
భవము సంసారపు బందెలదొడ్డిఁ బెట్టించె తగి(వి?)లింద్రియపు తాళ్లు దామెనఁ గట్టే యివల శ్రీవేంకటేశుఁ డింతలో దిక్కయి కాచె కవడు వాసె జీవుఁడు కన్నవారి చేతను	॥ఎక్క॥