ఆంధ్రభారతి - తాళ్లపాక అన్నమాచార్య కీర్తనలు - వాఁడివో వీఁడివో హరి వలసినవారికెల్లా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 211-6
సంపుటము: 3-66

తాళ్లపాక అన్నమాచార్య

రాగము: పాడి

వాఁడివో వీఁడివో హరి వలసినవారికెల్లా మూఁడు లోకముల మరి మొరఁగఁ జోటేది	॥పల్లవి॥
బహిరంతరాన హరి ప్రత్యక్షమై యుండఁగాను సహజానఁ బ్రత్యక్ష విచారమేల ఇహములోఁ గలవెల్లా యీతని లీలై యుండఁగా విహరించే లీల వేరే వెదకనేలా	॥వాఁడి॥
మనికై యన్నిటానుండి మాటలాడుచుండఁగాను వెనక హరి మాటలు వేరేవున్నవా కనుచూపతఁ డంతటా కలగొనఁ జూడఁగాను చనవిచ్చి కృపాదృష్టి చల్లుమననేలా	॥వాఁడి॥
నెలవై యాతఁ డిన్నిటా నిండుకొనియుండఁగాను అలరి వేరే వచ్చీనననేలా యెలమి శ్రీవేంకటేశు యిచ్చకొలఁదే యింతా పలుమారు నిట్టట్టని భావించఁ దగునా	॥వాఁడి॥