ఆంధ్రభారతి - తాళ్లపాక అన్నమాచార్య కీర్తనలు - చెలఁగి నా కిందుకే చింతయ్యీని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 212-1
సంపుటము: 3-67

తాళ్లపాక అన్నమాచార్య

రాగము: లలిత

చెలఁగి నా కిందుకే చింతయ్యీని తెలిసినదాఁకా నిది ద్రిష్టమయ్యీనా	॥పల్లవి॥
హరి పుట్టించిన దేహి హరినే కొలువక నరులఁ గొలుచుట అన్యాయమయ్యా గరిమ నేరు గుడిచి కాలువఁ బొగడఁబోతే యెరవెరవే కాక యితవయ్యీనా	॥చెలఁ॥
దేవుఁ డిచ్చినట్టి బుద్ధి దేవుని పయిఁ బెట్టక భావ మింద్రియాల కియ్యఁ బాపమయ్యా జీవిత మొకరి సొమ్ము జీవించి యొకరి వెంట ఆవలఁ బరువులిడు టందమయ్యీనా	॥చెలఁ॥
అరిది శ్రీవేంకటేశుఁ డంతరాత్మయి వుండఁగాను శరణనకుండు టనాచారమయ్యా ధరఁ దన యింటఁ గోటిధన మట్టే వుండఁగాను మరలి తిరియఁబోతే మట్టుపడీనా	॥చెలఁ॥