ఆంధ్రభారతి - తాళ్లపాక అన్నమాచార్య కీర్తనలు - కాకుంటే యీ శూన్యవాద కఠినచిత్తుల చేత - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 212-2
సంపుటము: 3-68

తాళ్లపాక అన్నమాచార్య

రాగము: పాడి

కాకుంటే యీ శూన్యవాద కఠినచిత్తుల చేత పైకొని వివేకులకు బ్రదుకఁగ వచ్చునా	॥పల్లవి॥
అల్లనాఁడు నిరాకార మనెడి మాటలచేత వెల్లిఁబోయ లోకములో విజ్ఞానమెల్లా కల్లని మీ త్రివిక్రమాకారము చూపి మీరు చెల్లఁ బెట్టితిరి వేదశిఖలందు మరియు	॥కాకుం॥
ఆలకించి యహంబ్రహ్మ మనెడి బుద్ధుల చేత గాలిఁ బోయ భక్తి యల్లా కాలమందే యేలి ప్రహ్లాదునికిఁగా హిరణ్యకశిపు నొద్ద యేలికబంటువరుస లిందె చూపితిరి	॥కాకుం॥
అంతా నొక్కటియనే అధర్మవిధులచేత గుంతఁబడెఁ బుణ్యమెల్లాఁ గొల్లఁబోయి ఇంతట శ్రీవేంకటేశ యెక్కుడు నేనని కొండ వింతగాఁగఁ బొడవెక్కి విఱ్ఱవీఁగితివి	॥కాకుం॥