ఆంధ్రభారతి - తాళ్లపాక అన్నమాచార్య కీర్తనలు - పెంచి తమ పెట్టుఁ జెట్టు పెరికివేయ రెవ్వరు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 212-4
సంపుటము: 3-70

తాళ్లపాక అన్నమాచార్య

రాగము: వరాళి

పెంచి తమ పెట్టుఁ జెట్టు పెరికివేయ రెవ్వరు మంచివాఁడఁ గాకున్న మన్నించకుండేవా	॥పల్లవి॥
తెరువు దప్పి యడవిఁ దిరిగేటివారిఁ దెచ్చి తెరువునఁ బెట్టుదురు తెలిసినవారలు నరుఁడనై నేరక నడిచేటి నన్ను నీవు మరిగించి కావక మానవచ్చునా	॥పెంచి॥
దిక్కుమాలినట్టివారిఁ దెచ్చి దయగలవారు దిక్కయి కాతురు వారి దిగఁదోయరు తక్కక మాయలోఁ బడి దరిదాపు లేని నన్ను వెక్కసాన రక్షించక విడిచేవా నీవు	॥పెంచి॥
ఆవల భయపడ్డవా రంగడిఁ బడితే దొర- లోపల విచారించి వూరడింతు రంతలోనే శ్రీవేంకటేశ నీవు సృష్టికల్లా నేలికవు వేవేలు మా మొర నీవు విచారించకుండేవా	॥పెంచి॥