ఆంధ్రభారతి - తాళ్లపాక అన్నమాచార్య కీర్తనలు - ఇతనికంటే నుపాయ మిఁక లేదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 213-1
సంపుటము: 3-73

తాళ్లపాక అన్నమాచార్య

రాగము: దేసాక్షి

ఇతనికంటే నుపాయ మిఁక లేదు మతిలోన నున్నవాఁడు మర్మమిదే సుండీ	॥పల్లవి॥
ఇన్ని లోకసుఖములు ఇంద్రియప్రీతులే తన్నుఁ గనిన తల్లిదండ్రి తనుపోషకులే కన్ను లెదిటిధనాలు కారణార్థములే వున్నతి నిష్టార్థసిద్ధి కొక్కఁడే దేవుఁడు	॥ఇత॥
కల దేవత లిందరు కర్మఫలదాతలే లలి విద్యలెల్ల ఖ్యాతిలాభపూజల కొరకే పలుమంత్రము లెల్లను బ్రహ్మలోక మీసందివె వొలిసి ఇష్టార్థసిద్ధి కొక్కఁడే దేవుఁడు	॥ఇత॥
అనుదిన రాజ సేవ లల్పార్థ హేతులే కొనఁ గల్పవృక్షమైనఁ గోరిన విచ్చేటిదే ఘన శ్రీవేంకటేశుఁడు కల్పించె జీవునిఁ గావ- నొనర నిష్టార్థసిద్ధి కొక్కఁడే దేవుఁడు	॥ఇత॥