ఆంధ్రభారతి - తాళ్లపాక అన్నమాచార్య కీర్తనలు - నన్ను నెవ్వరు గాచేరు నాఁటి పగెంతురుఁ గాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 213-2
సంపుటము: 3-74

తాళ్లపాక అన్నమాచార్య

రాగము: బౌళి

నన్ను నెవ్వరు గాచేరు నాఁటి పగెంతురుఁ గాక నిన్న నేఁడీ రోఁతలై తే నీతి యౌనా నాకును	॥పల్లవి॥
దేవుఁడ నేనే యంటా తిరిగే నాస్తికుఁడనా దేవతలకు మొక్కఁబోతే నిఁక నగరా కావించి యింద్రియములే గతెని యిన్నాళ్లు నుండి ఆవల జితేంద్రియుఁడనంటే నవి నగవా	॥నన్ను॥
కర్మము దొల్లి సేయక కడుదూరమై ఇఁక నా- కర్మము సేయఁగఁబోతే కర్మమే నగదా దుర్మతి సంపారినై(???) తొయ్యలులకు మోహించి అర్మిలి దూషించితేను అట్టె వారు నగరా	॥నన్ను॥
నేనే స్వతంత్రుఁడనంటా నిండుదానాలెల్ల మాని పూని యిఁకఁ జేయఁబోతే పొంచి యవి నగవా నేనిన్నిటా సిగ్గుపడి నీ మరఁగు చొచ్చితిని ఆనుకొని శ్రీవేంకటాధిపుఁడ కావవే	॥నన్ను॥