ఆంధ్రభారతి - తాళ్లపాక అన్నమాచార్య కీర్తనలు - నీమహి మది యెంత నీవు చేసే చేఁతలెంత - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 213-4
సంపుటము: 3-76

తాళ్లపాక అన్నమాచార్య

రాగము: లలిత

నీమహి మది యెంత నీవు చేసే చేఁతలెంత దీమసపు నీ మాయలు తెలియరాదయ్యా	॥పల్లవి॥
నీ పాదతీర్థము నెత్తి మోచె నొకఁడు పూఁపకొడుకై యొకఁడు బొడ్డునఁ బుట్టె యేపున నింతటివారి కెక్కుడైన దైవమవు మోపుచు ధర్మరాజుకు మొక్కుటెట్టయ్యా	॥నీమ॥
నీ లీల జగమెల్లా నిండి యున్నదొకవంకఁ నోలి నీలో లోకాలున్నవొకవంక యే లీలఁ జూచినాను యింతటి దైవమవు బాలుఁడవై రేపల్లెలోఁ బారాడితివెట్టయ్యా	॥నీమ॥
శ్రీసతికి మగఁడవు భూసతికి మగఁడవు యీ సరుస శ్రీవేంకటేశుఁడవు రాసి కెక్కి నీవింతటి రాజసపు దైవమవు దాసులము మా కెట్ల దక్కితివయ్యా	॥నీమ॥