ఆంధ్రభారతి - తాళ్లపాక అన్నమాచార్య కీర్తనలు - దిక్కిందరికినైన దేవుఁడు కడుఁ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 18-5
సంపుటము: 1-111

తాళ్లపాక అన్నమాచార్య

రాగము: ఆహిరి

దిక్కిందరికినైన దేవుఁడు కడుఁ దెక్కలికాఁడైన దేవుఁడు	॥దిక్కిందరికి॥
కొత్తపెండ్లికూఁతుఁ ^[1] గోరి చూడఁబోయి యెత్తి తేరిమీఁద నిడుకొని నెత్తికన్ను మానినవాని పెండ్లికి దెత్తి గొన్నయట్టి దేవుఁడు	॥దిక్కిందరికి॥
గొప్పయిన పెద్దకొండమీఁద నుండి దెప్పరమ్ముగా దిగఁబడి కప్పి రెండు దునుకలు గూడినవాని తిప్పుఁ దీరులాడే దేవుఁడు	॥దిక్కిందరికి॥
బెరసి మేనమామ బిడ్డకునై పోయి నిరతంపు బీరాలు నెరపుచు యిరవైన మాయపుటెద్దులఁ బొరిగొన్న తిరువేంకటగిరిదేవుఁడు	॥దిక్కిందరికి॥

^[1] ‘కూఁతు కోరి’ అని రేకు.