ఆంధ్రభారతి - తాళ్లపాక అన్నమాచార్య కీర్తనలు - పాటించి నమ్మినవారి భాగ్యము గాదా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 214-4
సంపుటము: 3-82

తాళ్లపాక అన్నమాచార్య

రాగము: శ్రీరాగం

పాటించి నమ్మినవారి భాగ్యము గాదా కోటిసుద్దులేల యిదె కోరి చేకొనేది	॥పల్లవి॥
స్వామిద్రోహియైన చండి రావణాసురుఁడు కామించి శరణంటేను కాచేనంటివి యేమని నీదయ యెంతు నెంతని నీమహిమెంతు ఆమాటకు సరియౌ నఖిలవేదములు	॥పాటిం॥
దావతి సీతాద్రోహము దలఁచి కాకాసురుఁడు కావుమని శరణంటేఁ గాచితివి ఆవల నీపని యెట్టు అట్టే నీమన్నన యెట్టు యీవల నీశరణనే ఇందుసరే తపము	॥పాటిం॥
చిక్కులిన్నీ నిఁకనేల చేరి యేపాటివాఁడైన గక్కన నీశరణంటేఁ గాతువు నీవు అక్కరతో నిన్ను శరణంటిమి శ్రీవేంకటేశ యెక్కువ నీ బిరుదుకు యీడా పుణ్యములు	॥పాటిం॥