ఆంధ్రభారతి - తాళ్లపాక అన్నమాచార్య కీర్తనలు - నేఁడు దప్పించుకొంటేను నేరుపున్నదా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 214-5
సంపుటము: 3-83

తాళ్లపాక అన్నమాచార్య

రాగము: పాడి

నేఁడు దప్పించుకొంటేను నేరుపున్నదా పేఁడుక భోగించు తానే పెనఁగఁ జోటున్నదా	॥పల్లవి॥
తనువు మోచిననాఁడే తప్పులెల్లాఁ జేసితిని వెనక మంచితనాలు వెదకనేది ననిచి సంసారినైననాఁడే నిష్టూరాన కెల్ల మునుప నే గురియైతి మొరఁగఁ జోటున్నదా	॥నేఁడు॥
సిరులు చేకొన్ననాఁడడే సిలుగెల్లా గట్టుకొంటి తరవాతి పనులింకఁ దడవనేల నరలోకము చొచ్చిననాఁడే పుణ్యపాపముల- పొరుగుకు వచ్చితిని బుద్ధులింక నేల	॥నేఁడు॥
వూపిరి మోచిననాఁడే వొట్టికొంటి నాసలెల్లా మాపుదాఁకా వేసరిన మానఁబొయ్యీనా యేపున శ్రీవేంకటేశుఁడింతలో నన్నుఁ గావఁగా పైపై గెలిచితిఁగాక పంతమాడఁగలనా	॥నేఁడు॥