ఏమి గల దిందు నెంత గాలంబైన[1] పామరపు భోగ మాపదవంటి దరయ	॥ఏమి॥
కొండవంటిది యాస, గోడ [2]వంటిది తగులు బెండువంటిది లోని పెద్దతనము పుండువంటిది మేను, పోలించినను మేడి- పండువంటిది సరసభావ మింతయును	॥ఏమి॥
కంచువంటిది మనసు, కలిమిగల దింతయును మంచువంటిది, రతి భ్రమతవంటిది మించువంటిది రూపు, మేలింతయును ముట్టు- పెంచువంటిది, దీనిప్రియ మేమి బ్రాఁతి	॥ఏమి॥
ఆఁకవంటిది జన్మ, మడవివంటిది చింత పాఁకువంటిది కర్మబంధమెల్ల యేఁకటను దిరువేంకటేశుఁ దలచిన [3]కోర్కి కాఁక(?) సౌఖ్యములున్న గనివంటి దరయ	॥ఏమి॥

---

^[1] నిడురేకు 48- లమువడిన.

^[2] నిడురేకు 48- గొడవ.

^[3] కోర్కికాక = కోరికవలన గలిగిన తాపము అని అర్థము కావచ్చు. ‘కాఁగు’ ధాతువునకు కృదంతరూపము కావచ్చు.