ఆంధ్రభారతి - తాళ్లపాక అన్నమాచార్య కీర్తనలు - కన్నులపండుగ లాయఁ గడపరాయని తేరు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 217-4
సంపుటము: 3-93

తాళ్లపాక అన్నమాచార్య

రాగము: సాళంగనాట

కన్నులపండుగ లాయఁ గడపరాయని తేరు మిన్ను నేల శృంగారము మితిమీరినట్లు	॥పల్లవి॥
కదలెఁ గదలెనదె గరుడధ్వజుని తేరు పొదిగి దేవదుందుభులు మ్రోయఁగా పదివేలు సూర్యబింబము లుదయించినట్లు పొదలి మెరుపు వచ్చి పొడచూపినట్లు	॥కన్ను॥
వచ్చెవచ్చె నంత నింత వాసుదేవుని తేరు అచ్చుగ దేవకామిను లాడిపాడఁగా ముచ్చటతో గరుడఁడు ముందట నిలిచినట్టు మెచ్చుల మెరుఁగులతో మేఘము వాలినట్టు	॥కన్ను॥
తిరిగెఁ దిరిగెనదె దేవదేవో త్తము తేరు వరుస దేవతలెల్ల జయవెట్టగా విరివిఁ గడపలో శ్రీవేంకటేశుఁడు తేరుపై నిరవాయ సింహాసన మిదేయన్నట్లు	॥కన్ను॥