ఆంధ్రభారతి - తాళ్లపాక అన్నమాచార్య కీర్తనలు - ఈ తగవే నాకు నీకు నెంచి చూచితే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 218-2
సంపుటము: 3-97

తాళ్లపాక అన్నమాచార్య

రాగము: సామంతం

ఈ తగవే నాకు నీకు నెంచి చూచితే కాతరపు జీవులకుఁ గలదా వివేకము	॥పల్లవి॥
భారము నీది గనక పలుమారుఁ బాపములే చేరి మొక్కలాన నేఁ జేసితిని పేరడిఁ దల్లిదండ్రులు బిడ్డ లేమి సేసినాను వోరుచుక ముద్దు సేసుకుందురు లోకమున	॥ఈ త॥
కావ నీవు గలవని కడదాఁకా నేరములే వేవేలు సేసితిని వెఱవక భావించుక యింటిదొర పసురము దెంచుకొని యేవిధిఁ బైరుమేసినా నెగ్గుసేయఁ డతఁడు	॥ఈ త॥
పుట్టించేవాఁడవు నీవు పొదలేవారము నేము యెట్టుండినా నీకుఁ బోదు యెన్నటికిని వొట్టుక శ్రీవేంకటేశ వోడఁగట్టిన దూలము అటునిట్టు బొరలినా నండవాయ దెపుడు	॥ఈ త॥