ఆంధ్రభారతి - తాళ్లపాక అన్నమాచార్య కీర్తనలు - ఏఁటి నేను యేఁటి బుద్ధి యెక్కడి మాయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 218-3
సంపుటము: 3-98

తాళ్లపాక అన్నమాచార్య

రాగము: లలిత

ఏఁటి నేను యేఁటి బుద్ధి యెక్కడి మాయ వీటిఁ బొయ్యే వెఱ్ఱిఁ గాను వివేకిఁ గాను	॥పల్లవి॥
ఆరసి కర్మము సేసి అవి(ది?) నన్నుఁ బొదిగితే దూరుదుఁ గర్మము గొంది దూరుచు నేను నేరక లంపటములు నేనే కొన్నిగట్టుకొని పేరడిఁ బరులనందుఁ బెట్టరంటాను	॥ఏఁటి॥
యెక్కుడు నా దోషములు యెన్నైనా వుండఁగాను వొక్కరి పాపము లెంతు వూరకే నేను తిక్కవట్టి నాకు నాకే దేవతలకెల్లా మొక్కి వొక్కరివాఁడఁ గాకుందు వుస్సురనుకొంటాను	॥ఏఁటి॥
విరతిఁ బొందుదుఁ గొంత వేరే సంసారముఁ జేతు యెరవులవాఁడనే యెప్పుడు నేను అరిది శ్రీవేంకటేశుఁ డంతలో నన్ను నేలఁగా దొరనైతి నధముఁడఁ దొల్లే నేను	॥ఏఁటి॥