ఆంధ్రభారతి - తాళ్లపాక అన్నమాచార్య కీర్తనలు - పలువిచారములేల పరమాత్మ నీవు నాకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 218-5
సంపుటము: 3-100

తాళ్లపాక అన్నమాచార్య

రాగము: సాళంగం

పలువిచారములేల పరమాత్మ నీవు నాకు గలవు కలవు వున్నకడమ లేమిటికి	॥పల్లవి॥
నీ పాదముల చింత నిబిడమైతేఁ జాలు యే పాతకములైన నేమి సేసును యేపార నీ భక్తి ఇంత గలిగినఁ జాలు పైపై సిరు లచ్చటఁ బాదుకొని నిలుచు	॥పలు॥
సొరిది నీ శరణము చొచ్చితినంటేఁ జాలు కరుణించి యప్పుడట్టే కాతువు నీవు సరుస నీముద్రలు భుజములనుంటేఁ జాలు అరుదుగాఁ జేతనుండు అఖిలలోకములు	॥పలు॥
నేరక వేసినఁ జాలు నీ మీఁద నొకపువ్వు కోరిన కోరికలెల్లఁ గొనసాగును మేరతో శ్రీవేంకటేశ మిమ్ముఁ గొలిచితి నేను యేరీతి నుండినఁ గాని యిన్నిటా ఘనుఁడను	॥పలు॥