ఆంధ్రభారతి - తాళ్లపాక అన్నమాచార్య కీర్తనలు - ఏ లోకమున లేఁడు యింతటి దైవము మరి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 219-1
సంపుటము: 3-102

తాళ్లపాక అన్నమాచార్య

రాగము: దేసాక్షి

ఏ లోకమున లేఁడు యింతటి దైవము మరి జోలిఁ దవ్వితవ్వి యెంత సోదించినాను	॥పల్లవి॥
మంచిరూపున నెంచితే మరుని గన్నతండ్రి ఇంచుకంత సరిలేదు ఇతనికిని మించు సంపదలనైతే మేటిలక్ష్మీకాంతుఁడు పొంచి యీతనికి నీడు పురుఁడించఁగలరా	॥ఏలో॥
తగఁ బ్రతాపమునను దానవాంతకుఁ డితఁడు తగుల నీతని మారుదైవాలు లేరు పొగరు మగతనానఁ బురుషోత్తముఁ డితఁడు వెగటై యీతనిపాటి వెదకిన లేరు	॥ఏలో॥
పట్టి మొదలెంచితేను బ్రహ్మఁ గన్నతండ్రితఁడు మట్టున నింతటివారు మరి వేరి ఇట్టే శ్రీవేంకటేశుఁడీగికి వరదుఁడు ట్ట కొట్టఁగొన నితరుల గురిసేయఁగలరా	॥ఏలో॥