ఆంధ్రభారతి - తాళ్లపాక అన్నమాచార్య కీర్తనలు - మఱచిన వెఱచిన మఱి లేదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 219-3
సంపుటము: 3-104

తాళ్లపాక అన్నమాచార్య

రాగము: బౌళి

మఱచిన వెఱచిన మఱి లేదు యెఱిఁగిన సులభుఁడు యీ హరి యొక్కఁడే	॥పల్లవి॥
అతుమ తొల్లొటిదే అంతరాత్మ తొల్లిటిదే నీతితో యీదేహములే నిత్యకొత్తలు యీతల నేర్పరులకు నిందే యిహపరములు చేతిలో నున్నవి యిది చింతించరో జనులు	॥మఱ॥
కాలము నెందూఁ బోదు కర్మము నెందూఁ బోదు జాలిఁబడ్డ మనసే సావివోయను పోలింప వివేకులకు పుణ్యమునుఁ బాపమును వేళవేళనే వున్నవి వెదకరో జనులు	॥మఱ॥
ఆఁకలినిఁ దీరదు అన్నమునుఁ దీరదు తేఁకువ తన ధైర్యమే తీరెఁగాని తాఁకక శ్రీవేంకటేశుదాసులై తేఁ జాలుఁగాని కాఁక దీరు నిందరికిఁ గనుకోరో జనులు	॥మఱ॥