ఆంధ్రభారతి - తాళ్లపాక అన్నమాచార్య కీర్తనలు - ఒరసి చూడఁగబోతే నొకటీ నిజములేదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 219-5
సంపుటము: 3-106

తాళ్లపాక అన్నమాచార్య

రాగము: దేవగాంధారి

ఒరసి చూడఁగబోతే నొకటీ నిజములేదు పొరల మేను ధరించి పొరలఁగఁ బట్టెను	॥పల్లవి॥
పాతకములట కొన్ని బలుపుణ్యాలట కొన్ని యీతల స్వర్గనరకాలిచ్చేవట యేతుల నందుఁ గొన్నాళ్లు యిందుఁ గొన్నాళ్లు పోతరించి కాతరించి పొరలనే పట్టెను	॥ఒర॥
పొలఁతులట కొందరు పురుషులట కొందరు వెలుఁగును జీఁకట్లు విహారమట కలవరింతలు గొంత ఘనసంసారము గొంత పొలసి జీవులు రెంటాఁ బొరలఁగఁ బట్టెను	॥ఒర॥
వొక్కవంక జ్ఞానమట వొక్కవంకఁ గర్మమట మొక్కి ఇహపరాలకు మూలమిదట తక్కక శ్రీవేంకటేశుదాసులై గెలిచిరట పుక్కట నిన్నాళ్లు రెంటాఁ బొరలఁగఁ బట్టెను	॥ఒర॥