ఆంధ్రభారతి - తాళ్లపాక అన్నమాచార్య కీర్తనలు - మదించిన యేనుగను మావటీఁడు దిద్దినట్టు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 219-6
సంపుటము: 3-107

తాళ్లపాక అన్నమాచార్య

రాగము: భూపాళం

మదించిన యేనుగను మావటీఁడు దిద్దినట్టు త్రిదశవంద్యుఁడ నీవే తిప్పఁగదే మనసు	॥పల్లవి॥
నేరమి సేసినవాఁడు నిక్కపుటేలికఁగని తారితారి యిందునందు దాఁగినయట్టు తీరని పంచేంద్రియాల దిమ్మరియై తిరిగాడి కోరి నీపై భక్తియంటే కొలుపదు మనసు	॥మదిం॥
పగసేసుకొన్నవాఁడు బలు మందసములోన వెగటు జాగరముల వేగించినట్టు మిగుల వేదమార్గము మీరి పాపమునఁ జిక్కి జిగి నిన్నుఁ జేరుమంటే జింతించీ మనసు	॥మదిం॥
నిరుఁబేదయైనవాఁడు నిధానము పొడగని గరిమ భ్రమసి యట్టే కాచుకున్నట్టు యిరవై శ్రీవేంకటేశ యిట్టే నిన్నుఁ బొడగని వెరవున నీగుణాలు వెదకీని మనసు	॥మదిం॥