ఆంధ్రభారతి - తాళ్లపాక అన్నమాచార్య కీర్తనలు - అయ్యో సదా మత్తుఁడను హరి నీ దాసులు నన్ను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 220-1
సంపుటము: 3-108

తాళ్లపాక అన్నమాచార్య

రాగము: గుజ్జరి

అయ్యో సదా మత్తుఁడను హరి నీ దాసులు నన్ను ఇయ్యెడనే దయఁజూచి యీడేర్చిరిఁ గాక	॥పల్లవి॥
తెగక కన్నులుమూసి దేహము మఱచేవాఁడ నిగిడి దేవుఁడవని నిన్నెరిఁగేనా తగఁ బసిఁడి చూచి నే ధర్మము మరచేవాఁడ జగతి విజ్ఞానము సరవెరిఁగేనా	॥అయ్యో॥
వలచి సతులనేటి వలలఁ బడేటివాఁడ మలసి తప్పించుక నీ మాయ దాఁటేనా వెలయ నన్నీఁ జదివి వివేకమొల్లనివాఁడ చలివాసి నీభక్తి చవిగొనేనా	॥అయ్యో॥
మించు సంసారము చొచ్చి మీఁదు దెలియనివాఁడ- నంచ నీ వంతర్యామివని మొక్కేనా యెంచక శ్రీవేంకటేశ ఇటు నన్ను నేలితివి మంచిదాయ నిఁక నిది మానబొయ్యేనా	॥అయ్యో॥