కూడు వండుట గంజికొరకా తనకు వేడుకలుగల సుఖము వెదకుటకుఁ గాక	॥కూడు॥
కుప్ప నురుచుట [2]కసవుకొరకా తనవు గొప్పయవు టిది మదముకొరకా వొప్పయిన వేడుకల నొరసి మనసు నెప్పునకు రాఁ దివియనేరవలెఁ గాక	॥కూడు॥
కొలుచు దంచుట పొట్టుకొరకా తాఁ గులజుఁడై మూఢుఁడౌ [3]కొరకా తలపోసి యిన్నింటఁ దగిలి మీఁదు తెలిసి సుఖదుఃఖములఁ దెలియవలెఁ [4]గాక	॥కూడు॥
కొండ దవ్వుట యెలుక కొరకా తాఁ గొండ యెక్కుట దిగుటకొరకా కొండలకోనేటిపతిఁ [5]గొలిచి [6]తనదు నిండి నాపదలెల్ల నీఁగవలెఁ గాక	॥కూడు॥

---

^[1] నిడురేకు 18- దేసాళం.

^[2] నిడురేకు 18- వేయుట.

^[3] నిడురేకు 18- కులజుఁడౌటిది చలము కొరకా.

^[4] నిడురేకు 18- సులభంబైన తెరువుగనవలె.

^[5] నిడురేకు 18- కొండకోనేటి.

^[6] ‘తనకు’ అని పూ.ము.పా.