ఆంధ్రభారతి - తాళ్లపాక అన్నమాచార్య కీర్తనలు - ఘనుఁ డీఁతఁడొకఁడు గలుగఁగఁ గదా వేదములు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 19-4
సంపుటము: 1-116

తాళ్లపాక అన్నమాచార్య

రాగము: శుద్ధవసంతం

ఘనుఁ డీఁతఁడొకఁడు గలుగఁగఁ గదా వేదములు జననములుఁ గులము లాచారములుఁ గలిగె	॥ఘను॥
కలుషభంజనుఁ డితఁడు గలుగఁగఁ గదా జగతిఁ గలిగె నిందరి జన్మగతుల నెలవు మలసి యితఁడొకఁడు వొడమఁగఁ గదా యిందరికి నిలువ నీడలు గలిగె నిధినిధానములై	॥ఘను॥
కమలాక్షుఁ డితఁడు గలుగఁగఁ గదా దేవతలు గమిగూడి రిందరును గండి గడచి ప్రమదమున నితఁడు నిలుపఁగఁ గదా సస్యములు అమర ^[1]ఫలియించె లోకానందమగుచు	॥ఘను॥
గరిమె వేంకటవిభుఁడొకఁడు గలుగఁగఁ గదా ధరయు నభమును రసాతలము గలిగె పరమాత్ముఁడితఁడు లోపల గలుగఁగాఁ గదా అరిది చవులును హితవు లన్నియునుఁ గలిగె	॥ఘను॥

^[1] ‘అమరఁ బలియించె’ రేకు.