Display:
అధ్యాత్మ సంకీర్తన
రేకు: 19-5
సంపుటము: 1-117
తాళ్లపాక అన్నమాచార్య
రాగము: భైరవి
చూడుఁ డిందరికి సులభుఁడు హరి
తోడునీడయగు దొరముని యితఁడు
॥చూడు॥
కైవల్యమునకుఁ గనకపు తాపల
త్రోవై శ్రుతులకుఁ దుదిపదమై
పావనమొక రూపమై విరజకు
నావై [1]యున్నాఁడిదె యితఁడు
॥చూడు॥
కాపాడఁగ లోకములకు సుజ్ఞాన-
దీపమై[2] జగతికిఁ దేజమై
పాపా లడఁపఁగ భవపయోధులకు
తేపై [3]యున్నాఁడిదే యితఁడు
॥చూడు॥
కరుణానిధి రంగపతికిఁ గాంచీ-
వరునకు వేంకటగిరిపతికి
నిరతి నహోబలనృకేసరికిఁ ద-
త్పరుఁడగు శఠగోప(ం)ముని యితఁడు
॥చూడు॥

[1] నిడురేకు 88- భువినున్నాఁడిదె.

[2] నిడురేకు 88- ంబై జగతికిఁ దొడవై.

[3] నిడురేకు 88- జగములఁ దిరిగీ నితఁడు (లయచ్ఛాయ కీపాఠములే యుక్తములు).
AndhraBharati AMdhra bhArati - telugu కీర్తన సాహిత్యము