ఆంధ్రభారతి - తాళ్లపాక అన్నమాచార్య కీర్తనలు - కలలోని సుఖమే కలియుగమా, వెన్న - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 19-6
సంపుటము: 1-118

తాళ్లపాక అన్నమాచార్య

రాగము: సామంతం

కలలోని సుఖమే ^[1] కలియుగమా, వెన్న కలిలో నెక్కడిదె కలియుగమా	॥కలలోని॥
కడిగడి గండమై కాలము గడపేవు కడుగఁ గడుగ రొంపి కలియుగమా బడలికె వాపవు పరమేదో చూపవు గడిచీటియును నీవు కలియుగమా	॥కలలోని॥
కరపేవు కఱతలే మఱపేవు మమతలే కరకఱ విడువవు కలియుగమా తెరచీర మఱఁగింతే తెరువేల మూసేవు గరుసేల దాఁటేవో కలియుగమా	॥కలలోని॥
కానిదె మెచ్చేవు కపటాలే యిచ్చేవు కానీలే కానీలే కలియుగమా పైనిదే వేంకటపతి దాసులుండఁగ కానవా నీ విదేమి కలియుగమా	॥కలలోని॥

^[1] నిడురేకు 88- సుఖమైన.