ఆంధ్రభారతి - తాళ్లపాక అన్నమాచార్య కీర్తనలు - వీఁడె వీఁడె కూచున్నాఁడు వేడుకతో గద్దెమీఁద - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 227-2
సంపుటము: 3-151

తాళ్లపాక అన్నమాచార్య

రాగము: ధన్నాసి

వీఁడె వీఁడె కూచున్నాఁడు వేడుకతో గద్దెమీఁద వాఁడి ప్రతాపము తోడి వరదానసింహము	॥పల్లవి॥
అరయఁ బ్రహ్లాదుని ఆపదోద్ధారసింహము గిరివై యిందిరకును క్రీడాసింహము నిరతి సురల భయనివారణసింహము సరి హిరణ్యకసిపు సంహారసింహము	॥వీఁడె॥
ఇట్టె విశ్వమునకు నేలికైన సింహము గట్టిగ శరణాగతులఁ గాచే సింహము దిట్టయై వేదాలలోని తెరవేఁటసింహము నెట్టుకొనిన దురితనివారణసింహము	॥వీఁడె॥
అంచల మూఁడుమూర్తుల కాధారమైన సింహము పంచల మునుల భాగ్యఫలసింహము పొంచి శ్రీవేంకటాద్రికి భూషణమైన సింహము చెంచుల అహోబలపు శ్రీనారసింహము	॥వీఁడె॥