ఆంధ్రభారతి - తాళ్లపాక అన్నమాచార్య కీర్తనలు - సర్వసులభుఁ డితఁడు సర్వేశ్వరుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 227-3
సంపుటము: 3-152

తాళ్లపాక అన్నమాచార్య

రాగము: లలిత

సర్వసులభుఁ డితఁడు సర్వేశ్వరుఁడు గర్వముఁ బాసితేను కానవచ్చు నితని	॥పల్లవి॥
చింతలెల్లా నుడిగితే శ్రీపతి యందేవుండు మంతనాన నుండితేను మరి నాతఁడే పంతపు వుబ్బు మానితే పరమాత్ముఁడు దోడౌను వింతలు దలఁచకుంటే విశ్వరూపమే	॥సర్వ॥
వెడకర్మాలు దోసితే విష్ణుని సాన్నిధ్యమబ్బు కడునాస లొల్లకుంటే కలఁడాతఁడు వొడ లోముకొనకుంటే వుపేంద్రుఁడు రక్షించు పొడిఁబడకుంటేనే పూర్ణభావ మలరు	॥సర్వ॥
ఇతర మెరఁగకుంటే నిందిరానాథుఁడు మెచ్చు సతిబారిఁ బడకుంటే జంటౌ నాతఁడు హితవులు గోరకుంటే నెదుటఁ శ్రీపతి నిల్చు జితేంద్రియవ్రతమందే శ్రీవేంకటేశుఁడు	॥సర్వ॥